ياما

ياما حلمنا و اتمنينا وياما حبينا و دارينا بس كل ده مش واخدين بالنا ان كل حاجة باينة علينا باين جوة عنينا يمكن من ضحكتنا يمكن كلامنا يمكن حركات ايدينا عزم في تصرفاتنا و خدنا الخطوة و خطينا و بدأنا طريقنا بايدينا مرة وقعنا و مرة قومنا بس في كل مرة بنرجع و نقوي و نقف علي رجلينا تعبنا و شقينا و كلنا من عرق جبينا و دوقنا المر و حسينا تسألني تقولي انتوا مين هقولك احنا اللي المستقبل في ايدينا تعبنا ياما و سهرنا ليالينا عشان نبني وطن حلو يتاوينا و يحافظ علينا احنا الجيل الحالم احنا الجيل اللي محدش حاسس بينا احنا الجيل اللي فهمناها بدري و قعدت هي تلف بينا و نفسنا نقولها " والنبي يا شيخة خفي علينا".