عار عليكوا يا . . .

أنا شايفة إن دول عار علي الإسلام
عار علي دين الله دين السلام 
مش معني إن رئيسهم وقع 
يبقي الاسلام راح كمان
لو كان الاسلام هيزول لو رئيس اتشال
يبقي إزاي الاسلام فضل عايش حتي
بعد وفاة أشرف مرسال (عليه الصلاة و السلام)

إزاي تحرقوا كنايس الأقباط
إزاي تقتلوا شبان ملهومش أي رغبات
غير انهم يحموا بلدهم و يصلحوا كل الغلط

و إزاي سمحلكوا ضميركوا تحرقوا جامع
جااامع يا مسلمين ياللي بتقولوا انكوا بتدعوا للدين 
عار عليكوا كلمة مسلمين
إنتوا مجرد ناس تافهين
و حافظين و مش فاهمين
طب فهمني في أي شرع و أي دين
تحرقوا منشآت دولة و وزارات
و تقتلوا ناس و تمثلوهم عادي في الميادين
انتوا فعلا فشلتوا فشل مشين
و مش فارق معاكوا متاجرتكوا بالدين
و المشكلة إن وراكوا ناس مغيبين
مضحوك عليهم و لحقيقة الأمر مش واعيين
إزاي تسمحوا لأطفال و نساء يدافعوا عنكم
أه أسفة أصل مفيش فيكوا راجل متين 
يعني متوقع إيه من ناس برروا لنفسهم الفطر في رمضان 
وبيقودهم مسيو بلتاجي و مسيو عريان

عاااار عليكوا ياللي بتقولوا انكوا مسلمين

قصدي عار عليكوا يا "متأسلمين" 

فاهمينها غلط

فهموني بس بتتباهوا بإيه !
بالغنا و المال؟!
ياه دول طلعوا غلابة أوي يا خال
مايعرفوش إن ربنا هوالغني الستار
فاكرين إن الفلوس تشتري الفرحة
مع إن بالرضا بالمقسوم و ابتسامة صغيرة يتحل كل محال
و اللي فاكرين إن الفلوس تشتري الحلاوة
نسيوا إن الابتسامة نص الجمال
*
فاهمين الدنيا غلط و مش شايفين غير رأيهم
و دة أكبر غلط ﻷنهم مش عايشين في الدنيا لوحدهم
فاكرين إن حياتهم طويلة يعيشوها براحة راحتهم
بالطول بالعرض و مفيش حد قدهم
و نسيوا إن رب الخلق شايفهم
*
ممكن لو كانوا حكموا العقول
كان كل واحد هيبقي عن تصرفاته مسئول
و يفضل مراعي ربنا علي طول

لو كل واحد إيمانه بقضاء ربنا كبير
و بجد يكون علي دينه بيغير
كان زمان مركزنا بين الدول مش قليل

احكولهم

احكولهم عن جند قادر
احكولهم عن عزم نادر
احكولهم عن شعب صابر
و لحد دلوقتي لسة بيعافر
احكولهم عن تاريخ باهر
عن حروب لسة صيتها حاضر
عن انتصارات و انجازات
و تضحيات من شباب ناضل
واجهنا العدو الصهيوني الغادر
اللي احتل فلسطين ظلم
و بقاله دولة بقدرة قادر
واجهنا كل عدو كابر
و من عزم المصريين ساخر
و فاكر انه علينا قادر
و بدأت حرب و اتنين و عاشر
و مقدروش يعدو الخساير
و الجيش اللي اتقال عليه لا يقهر
اتهزم بشجاعة جند باسل

أهواك

أعيش علي ذكراك
ولا أستطيع أن أنساك
يمضي بي العمر سريعا
أراك في منامي و أشم شذاك
كيف كانت أيامنا
و كيف كان هواك
لم يكن لي في الدنيا سواك
كيف أنسي سلامنا و
نحن متصلبان بدون حراك
غارقان في بحر الغرام
لا تسعنا الكلمات
غدونا سويا و كل منا يخفي
ما حوي من شقاق
كنت تمشي أمامي و
كنت أتبع خطاك
ظللت ممسكاً بيدي
حتي وصلنا هناك
قلت لي اذهبي الي تلك الشرفة
و سأظل أنا هنا باق
و ذهبت مسرعة الي حيث أمرتني
و أطللت من ذلك الشباك
و مرتني أن أخرج الي الشرفة بسرعة
و قلت لي:
أميرتي! ذاق قلبي مرار الحب و الاشتياق
عندما تذهبين عنه
لا تبارحين خياله و لا ينساك
و يقسم لك إن وافقت البقاء معه
فسوف يحفظك و يرعاك
لأنه و لكل ما للكلمة من معني
                                                "يهواك"

خليك نفسك

متحولش تغير من نفسك عشان تعجب حد إنت بتحبه لانك هترجع تندم علي انك ضيعت شخصيتك المرحة و الحلوة لشخصية انت فاكرها "روشة". خليك زي ما انت لانك أكيد و انت علي طبيعتك هتكون أفضل بكتيير و أكيد هتشد حد ليك بأسلوبك و أفعالك. خليك علي طبيعتك و عيش حياتك بطريقتك انت لانك فالآخر هتتحاسب عشتها إزاي و محدش هيشيل ذنب إنك سمعت كلامه .خليك نفسك و حبها زي ما هي لإنها أكيد تستاهل إنك تحبها و أوعي تتغير عشان أي حد حتي لو إنت بتحبه لانه لو كان بيحبك بجد مكنش طلب منك إنك تغير الشخصية اللي المفروض هو حبها و اتعلق بيها. متخليش أي حاجة تغيرك أو تحبطك أو تهدك . و بكررها متتغيرش عشان حد لانك لو عشت بس عشان ترضي أهواء البني آدمين يبقي اسمحلي أقولك "الموت أرحم" . عيش عشان ربنا و بس و عشان ترضيه سبحانه و تعالي و ترضي نفسك لإن نفسك ياما وقفت جمبك كتير و استحملت قد إيه انت جيت عليها, و متخليش المؤثرات الخارجية تأثر فيك خليك انت .... انت و بس.

أنا فتاة عادية

لن أجبركم علي حبي
فلكل قلب ما هوي
ولن أخبركم بأني
جميلة المحتوي
أنا فتاة عادية و لكن
من المشاكل قلبي انكوي

لا أريد أن أعلم رأيك
فلكل عقلية مستوي
ولا أدري صفاء نيتك
فلكل امرؤ ما نوي
ولكن قلبي من التفكير عاني
كيف الحب مع الكره استوي
كأن الزرع في الجفاف ارتوي
و كأن الفواكه تزرع بلا نوي

! انتظرتك

اليك يا من تخبئه الأقدار ,تحية طيبة و بعد …

انتظرتك ليالٍ طويلة , ناظرة الي بريق النجوم في السماء , تأملت القمر لعلي أري صورتك مطبوعة عليه. انتظرتك في ظلمات الليل و ضياء النهار ,آملة أن تأتي لتسرق قلبي علي فرسك الأبيض الأصيل ,و تنزل من عليه و تنحني لي كما لو كنت ملكة, ساعدتني علي امتطاء الفرس و امتطيته خلفي و حاوطتني يداك الدافئتين و أمسكت بزمام الفرس . قدنا الي مملكتنا الصغيرة البهية , نزلنا من علي جوادنا و سرنا سوياً في ممشي الحديقة المصفوفة بباقات الأزهار الزاهية الألوان.فتحت لي الأبواب و جعلتني اسبقك و تبعتني مبتسماً ,فسألت في حيرة و فضول :ما سر هذه الابتسامة الساحرة!! ,فاقتربت مني و همست: لقد كان حلمي أن أزور ملكة عرش في مملكتها حتي أري كيف تأخد قراراتها المصيرية , فما بالك بي الآن و سوف أعيش مع أجمل ملكات العالم سحراً و جمالاً , لقد منّ الله علي بنعمة سأشكره عليها قياماً و قعوداً حتي ينهال قوامي تعباً , و لن أوفي الله شكراً. و انحني علي ركبتيه و أخرج من جيبه "خاتم" و قال و قد ارتسمت علي وجهه ابتسامة عريضة: أتتزوج ملكتي برجل بسيط أحبها بصدق و يعدها من الآن فصاعداً أن يظل معها أبد الدهر و أنه قرر أن يفني عمره و روحه و قلبه و عقله فداء ملكته!.
فقلت و قد احمرت وجنتاي: لطالما وصفتني بملكتك و لم تعرف أنك ملكي و آسر قلبي و عقلي . أعدك أن أظل معك طوال عمري ما دمت حية أرزق , سأعيش معك في أزهي حالاتك و في أشقي أيامك , أعدك أنه لن يفرقنا سوي الموت , و أعدك أن أظل أحبك حتي آخر نفس أزفره.

و يسقط كل شيء أمام جبروت ابتسامتي

و تظل ابتسامتي شفاء
لكل من شكي من داء
و تظل رمزاً للصفاء
حتي لمن إليّ أساء
فمن يراني لا شيء
فإن ابتسامتي أشياء
فهي كالنجمة المتلألئة في السماء
تري لها بريقاً خاصاً كل مساء
فابتسامتي وحدها تنير أحياء
و تجعل من الخلاء بناء
و تحول ابتلائاً الي رخاء
و تغير العداء الي وفاء
و تقرر بعد الفراق لقاء
ثم بعد اللقاء بقاء
                                                                               *
و تري ابتسامتي في حياء
ترقص علي وجهي بغير هجاء
و تأبي الجلاء
لأنها عرفت أهمية البقاء
فهي لكل شيء دواء
و تظل ابتسامتي هي الشفاء.

Millions of years aren't enough to thank you!

The first time i came
I didn't know you
You were the kindest person
I loved you
I wouldn't find such human
if i come and go
You beared my false behaviour
and learnt me true
You think i can live alone
seriously i don'think so
All the problems i meet
all what i pass through
You've never left me alone
you've never let me go
Your voice for me
was like a piano
Always urged me
and pushed me to
My aim i always
and hardly wanted to do
Millions of years aren't enough
just to thank you
I know i ruined your life alittle
but i am happy beside you.

لما يبقي الميت أبقي عليك من الحي.

لما يوحشك حد خلاص مش هتقدر تشوفه تاني عشان راح عند ربنا ,بيكون نفسك تحكيله عاللي بيحصل و كل اللي مضايقك ,بتكون عايز تفضفض و تتكلم و تترمي في حضنه و تبكي , في لحظة هتحس ان روح الشخص ده بتطبطب عليك و بتخدك في حضنها و بتقولك "انت أقوي من أي حاجة بتحاول تهدك" ,هتحس بحنية و دفي و قوة و هتلاقي بصيص أمل . حتي لو الشخص ده مش موجود لما تكون في قمة احتياجك هتلاقيه بيمدلك إيده و يقومك من الحفرة اللي اتكعبلت من التشاؤم و الاحباط و وقعت  فيها , هتلاقيه بيزقك  عشان تقوم و تكمل المشوار , هيديك دفعة عشان تكمل طريقك , دفعة أمل و رضا بالمقسوم و المكتوب , ساعتها بس هتحس بالأمان و الراحة و هتطمن علي حالك.

نفسي!

الطيبة متعدمتش ولا الأمل انهار   *   هما مجرد راحوا سوا مشوار
ومش هيرجعوا غير لما الناس تطفي النار *  ويهدوا شوية الاعصار
                يرجعوا يحبوا بعض زي زمان
الجار كان فكتف الجار   * و الأبن كان بأبوه بار
    
ليه بقينا بعاد عن بعض   * مع اننا طول عمرنا مترابطين
مبقيناش عايزين نسمع بعض * و لكل كلمة مش طايقين
كله عايز يعمل اللي في دماغه * و لتعاليم ربنا ناسيين

نفسي نرجع زي زمان * نفسي نرجع و نمسك الزمام
نفسي نبطل نخون بعض * و ندي بعض الأمان
نفسي كله يراعي ربنا * و يخزي شوية الشيطان
نفسي منسبش للكره مكان * ولا نكتب للكدب و الخيانة عنوان

نفسي نستحمل بعض شوية * أصل كل واحد فيه اللي مكفيه
نفسي نيجي علي نفسنا شوية * و نجتهد و نتعب عشان البلد ديه
نفسي كل واحد يرجع لربنا * و يعبده بالطريقة اللي ترضيه * لحد آخر نفس فيه
أصل اللي هيتعب في الدنيا عشان ربنا * ربنا عمره ما هيسيبه أو يرميه

امتي يا مصريين هييجي الأوان * امتي نبطل شغل عيال
امتي نكبر و نعلي بمستوي الأجيال
اللي المفروض هما الأمل * و صانعوا الجلال
امتي منتكبرش و نقول بقلب جامد "أنا آسف عشان غلط في حقك"

ليه الكبرياء علينا مسيطر * ليه نسينا المبادئ و الأخلاق
و من امتي الاعتذار بيصغر * قال يعني انتوا كدة فتوات
نسينا الحقوق اللي علينا * و بنطالب بالواجبات
و واخدين الدنيا عافية * مفيش حتي خد و هات

نفسي و نفسي في حجات كتير * و أملي في ربنا دايما كبير
و بدعي لمصر و المصريين * انهم يبقوا دايما بخير
امسكوا في الدين يا مصريين * و متمشوش ورا أي حمير
و خليكوا مع كتاب ربنا * و الحال عمره ما هيميل

ابدأ بنفسك.

دايما بنقول ان الزمن غادر
و كتير نقول ان الصدق نادر
ممكن تتصدم بحبيب خاين
أو قريب بقي مجرد عابر
كلنا هنقابل في حياتنا مشاكل
بس الفرق هيبقي بين اللي هيفضل صابر
اللي هيفضل واقف يصد و يعافر
و بين اللي هيتعب من أول قلم
و يقول خلاص كفاية كدة مش قادر
خلاص مش مستحمل كل اللي حاصل                                                                 
احنا ممكن نغير كتير
و كل واحد فينا قادر
عالأقل نبدأ بنفسنا
و كله يصلح من نفسه و يحاول
و يكون مع اخواته متسامح
و يكون لكل الأخطاء غافر.

براءة اختفت من الوجود.

ما احلي الاطفال ,لا حدود لخيالهم و أحلامهم و طموحاتهم ,, يحاربون ببراءتهم قذارة الواقع و يمحون بضحكاتهم مآسي الحياة , يظننون أنهم يملكون الكون و يمكنهم أن يحققوا ما شاءوا بقليل من العزم و الصبر و الاخلاص ,لا يتذمرون كتيرا بل عندما يقعون يعاودون الكرة حتي يتمكنوا من الوقوف و الجري مرة اخري , ليت كل شخص يعيش بروح طفل و تفكير راشد و حكمة شيخ و تفاؤل مراهق  ♥
       أفتقد كثيرا براءة الطفولة لأنها وللاسف وقعت ضحية لمجتمع همجي لوثها  , لوثتها العنصرية و الطبقية . أفتقد كثيرا صدق الطفولة و حس الفكاهة و التفاؤل و الانطلاق ,نحن مجتمع نسينا معني الحياة نسينا جمال الحياة بل لم نكتفي بمسحها من حياتنا فقمنا بمسحها من الوجود , قمنا بمحوها من علي وجه كل طفل و كل رجل و كل شاب و كل امرأة , لقد دمرنا معني البراءة و نبض الدفءو الحنو من حياة كل مخلوق , و شوهنا الجمال و أخطأنا و أخطأنا كثيرا و كثيرا و أبشع غلطة قمنا بها هي بيع الضمير و بيع البراءة و استبدلناهما بالجشع و الظلم و التسلط و الدناءة.

حق الغلبان.

الدنيا مبقتش أمان
الكذب علي كل لسان
و الغدر بقي في كل مكان
و العدل بقي دقة قديمة
و الظلم بقي حاجة جنان
يعني الخاين بقي يتقارن
باللي عمره ما خان
يعني البريء بقي يتسجن
و كل ذنبه انه غلبان
بيدور علي لقمة عيشه بشرف
و ممكن من غير عشا ينام
و كل همه في الدنيا
انه يكبر ابنه و يخليه احسن انسان
و ميمدش ايده لحد أياً كان
حتي لو قضي عمره كله شقيان
لازم يفتكر ان ربنا هو المنان
و ان ربنا رءوف حنان
مبينساش عبده فين ما كان
و بيفتحها عليه لما ييجي الأوان.

ربك دايماً موجود.

لو جه يوم عليك
و احمرت الخدود
و نزل الدمع من عنيك
و افتكرت طريقك مسدود
و صبرك علي المحنة بقي محدود
ارجع لربك المعبود
و هو اللي هيفتح كل مسدود
و يرجع كل مفقود
و كل حق ليك هيبقي مردود
اصبر انت صبر "أيوب"
و اجري ورا حلمك
وافتكر ان ربنا دايما موجود
و هايساندك و يبنيلك كل مهدود